Azərbaycan Milli Aerokosmik Agentliyinin Elmi Tədqiqat Aerokosmik İnformatika İnstitutu tərəfindən keçirilən tender müsabiqəsinin qalibi məlum olub.

Valyuta.Az yeniavaz.com-a istinadla bildirir ki, açıqlanan rəsmi məlumatlara görə, tender müsabiqəsinin qalibi “Sanafen Constraksen” MMC olub.

Elmi Tədqiqat Aerokosmik İnformatika İnstitutu cari təmir üçün “Sanafen Constraksen” MMC-yə 44 min 830 manat ödəyəcək.

Məlumat üçün bildirək ki, “Sanafen Constraksen” MMC 4 ay əvvəl – 16.11.2020-ci il tarixində dövlət qeydiyyatına alınıb. Nizamnamə kapitalı 10 manat olan “Sanafen Constraksen” MMC-nin hüquqi ünvanı “Nizami rayonu, Məşədi Hilal Kazımov, ev 40”da yerləşir. MMC-nin qanuni təmsilçisi İbrahimov Sabir Şamil oğludur.

Maraqlı məqamlardan biri də odur ki, “Sanafen Constraksen” MMC-nin dövlət qeydiyyatına alındığı ünvanda yaxın tarixlərdə yüzlərlə şirkət qeydiyyata alınıb və bu şirkətlərin bəzilərinin qanuni təmsilçiləri də eyni şəxslər olub.

Onu da qeyd edək ki, “Nizami rayonu, Məşədi Hilal Kazımov, ev 40” ünvanında qeydə alınan şirkətlərlə Bakının başqa bir “sirli ünvan”ında - “Sabunçu rayonu, Zabrat ŞTQ, 2-ci Zabrat dairəsi ev. 133, m. 72” ünvanda qeydiyyatda olan şirkətlər arasında əlaqə mövcuddur. Belə ki, “Nizami rayonu, Məşədi Hilal Kazımov, ev 40” ünvanında qeydə alınan “Ruklon-Az Ltd” MMC-nin qanuni təmsilçisi Skvortsov Arkadiy Sergeyeviç “Sabunçu rayonu, Zabrat ŞTQ, 2-ci Zabrat dairəsi ev. 133, m. 72” ünvanda da başqa bir şirkəti qeydiyyatdan keçirib. 08.09.2020-ci il tarixində Skvortsov Arkadiy Sergeyeviç “2-ci Zabrat dairəsi ev.133 m.72” ünvanında “Okean az Grup” adlı şirkəti qeydiyyatdan keçirib.

Qeyd olunan ünvanda qeydiyyatdan keçən şirkətlərin bəzilərilə ilə BURADAN tanış ola bilərsiniz.

Bundan başqa “Nizami rayonu, Məşədi Hilal Kazımov, ev 40” ünvanında qeydə alınan şirkətlərlə - “Nizami rayonu, Yavər Səfərov, ev 28, m. 28” ünvanda qeydiyyatda olan şirkətlər arasında da əlaqə mövcuddur. Belə ki, “Nizami rayonu, Məşədi Hilal Kazımov, ev 40” ünvanında qeydə alınan “Şur-Az Ltd” MMC-nin (adlardakı bəznəzərliyə diqqət) qanuni təmsilçisi Həsənov Rəşad Rəşid oğlu “Nizami rayonu, Yavər Səfərov, ev 28, m. 28” ünvanda da başqa bir-neçə şirkəti qeydiyyatdan keçirib. Qeyd olunan ünvanda qeydiyyatdan keçən şirkətlərin bəzilərilə ilə BURADAN tanış ola bilərsiniz.

Məlumat üçün onu da bildirək ki, "Dövlət satınalmaları haqqında" Qanunun 6-cı maddəsində malgöndərənlərin (podratçıların) ixtisasına dair tələblər yer alıb. Həmin maddənin 6.2.1-ci bəndində açıq şəkildə yazılır ki, satınalma müqaviləsinin icrasını təmin etmək üçün müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin, etibarlığının olması lazımdır.

Cəmi 4 ay yarım əvvəl yaranan, nəinki rəsmi veb-səhifəyə, hətta sosial şəbəkə hesabına sahib olmayan bir şirkətin hansı peşəkarlığa və təcrübəyə sahib olacağı aydın deyil.

“Sanafen Constraksen” MMC ilə birgə “Nizami rayonu, Məşədi Hilal Kazımov, ev 40” ünvanında qeydə alınan şirkətlərin bəziləri bunlar olub: