Azərbaycan Respublikası İqtisadiyyat Nazirliyinin Tikinti-Təchizat birliti MMC tərəfindən keçirilən tender müsabiqəsinə yekun vurulub.

Valyuta.az xəbər verir ki, tender Sənaye 4.0 Akselerasiya Mərkəzinin və Süni İntellekt Laboratoriyasının yaradılması ilə bağlı avadanlıqlar və əlaqədar xidmətlərin satın alınması ilə bağlı idi. Tenderin qalibi “Bakinity Distribution” MMC olub. Tərəflər arasında imzalanacaq satınalma müqaviləsinin dəyəri 603 min 216 manatdır.

Xatırladaq ki, Şirkət 2008-ci ildə dövlət qeydiyyatına alınıb. MMC-nin nizamnamə kapitalı 100 min manatdır. Şirkətin qanuni təmsilçisi Qəmbərov Eldar Fikrət oğludur.

Qeyd edək ki, “Bakinity Distribution” MMC bu gün üç müxtəlif tenderin qalibi olub. Bununla da, şirkət bu ay 6-cı tenderi udub.

Əvəz Həsənov

HƏMÇİNİN BAX: Bu il 10-dan çox tender udan şirkətlər və müqavilə məbləğləri - TOP 10