Dövlət Sərhəd Xidməti (DSX) “Azəri Med” Qapalı Səhmdar Cəmiyyətindən (QSC) 114 565,22 manatlıq vaksin və zərdab alacaq. 

Valyuta.az xəbər verir ki, şirkət DSX-nın bununla keçirdiyi tenderin qalibi seçilib. 

İqtisadiyyat Nazirliyi yanında Dövlət Vergi Xidmətinin reyestr məlumatlarına görə “Azəri Med” QSC 2 iyul 2004-cü ildə qeydiyyata alınıb. Nizamnamə kapitalı 10 000 AZN olan şirkətin hüquqi ünvanı Bakı şəhəri Nərimanov rayonu, Asif Məmmədov küçəsi, ev 30 F-də yerləşir. QSC-nin qanuni təmsilçisi Rəhimli Famil Vəli oğludur.

Mediada gedən və indiyədək təkzib olunmayan məlumatlara görə, şirkətin sahibi deputat Kəmaləddin Qafarovdur. 

Milli Məclisin beşinci və altıncı çağırış deputatı olan Kəmaləddin Qafarov 2014-2015-ci illərdə MOM-un direktor müavini vəzifəsində çalışıb.

Hüseyn