Yeni bir tətbiq olan "Ölüm Tarixi", istifadəçilərin ölüm tarixini proqnozlaşdırır və bu tarixi necə uzatmaq barədə məsləhətlər təqdim edir.  

Valyuta.Az xəbər verir ki, "Ölüm Tarixi" adlı tətbiqin tərtibatçısı Brett Franson ("Brett Franson") bildirib ki, 1.200-dən çox "ömür müddəti" araşdırması əsasında hazırlanmış süni intellektdən istifadə edən onun tətbiqi, standart həyat cədvəllərindən "xeyli əhəmiyyətli" irəliləyişlər təklif edir.  

Bu ölüm tarixi onlayn şəkildə paylaşmaq üçün nəzərdə tutulsa da, praktiki tətbiqləri də mövcuddur. 

Maliyyə planlayıcısı Rayan Zebrovski ("Ryan Zebrowski") "Bloomberg"ə bildirib ki, “yaşlı insanların, təqaüdçülərin əsas narahatlığı pullarını ömürlərinin sonuna qədər çatdıra bilməkdir”, buna görə də dəqiq ölüm tarixi proqnozları faydalı ola bilər.  

İllik 40 dollar ödəməklə abunə olanlar üçün tətbiq, ölümün qarşısını almaq üçün həyat tərzində lazım olan dəyişiklikləri təklif edir. Həmçinin, istifadəçilərə qalan təxmini vaxt üçün gerisayım başlada bilir.

"Yəqin ki, həyatınızda ölüm gününüzdən daha vacib bir tarix yoxdur," - deyə Fransson əlavə edib.  

Rəhim