“Bakı Metropoliteni” QSC istismarda olan metro vaqonlarının təmirinə başlayır. 

Valyuta.az xəbər verir ki, təmir işləri vaqonların qumla təmizlənməsi, antipas boya ilə daha sonra isə iki qat akril boya ilə rənglənməsindən ibarətdir. 

“Bakı Metropoliten”i artıq bununla bağlı tenderə yekun vurub. Tnederin qalibi “Yurd.MR” MMC seçilib. 

Şirkətin təklifi 2 112 500,12 manatdır. Bu məbləğ təmir işləri üçün ehtimal olunan qiymətdən 196 627, 11 manat azdır. 

“Yurd.MR” MMC 16 avqust 2021-ci ildə qeydiyyata alınıb. Nizamnamə kapitalı 10 manatdır. Şirkətin qanuni təmsilçisi Davıdov Vaqif Vadut oğludur. 
Açıq mənbələrdə şirkət və qanuni təmsilçisi haqqında heç bir məlumat yoxdur. 

“Yurd.MR” MMC ötən il “Bakı Metropoliteni” QSC-nin ötən il keçirdiyi tenderin də qalibi olub. Həmin tender avtonəqliyyat parkında mövcud olan nəqliyyat vasitələrinə servis və təmir işlərinin satın alınması ilə bağlı keçirilib. 

Şirkətin təklifi 2 790 865,56 manat olub. 

Hüseyn