13.12.2023 / 14:53
\"Tender kralı\"nın rəhbərinə \"stop\" qoyuldu - 2,3 milyon manat borcu var
38572
Bakı Şəhər İcra Hakimiyyətinin (BŞİH) və bir sıra dövlət qurumlarının milyonluq tenderlərinin qalibi olan şirkətin rəhbərinin ölkədən çıxışı qadağa qoyulub.
Qaynarinfo-nun məlumatına görə, "Tikinti Təchizat Bərpa" Qapalı Səhmdar Cəmiyyətinin (QSC) İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsinə 2 milyon 234 min 111 manat 83 qəpik vergi borcu yaranıb.
Vergi borcu ödənilmədiyi üçün müvafiq qərarla QSC-nin qanuni təmsilçisi Rauf Əliyev Xanəli oğlunun ölkədən çıxışına məhdudiyyət qoyulub.
"Tikinti Təchizat Bərpa" QSC borca görə öz növbəsində Bakı Apellyasiya Məhkəməsinə şikayət edib. İşə hakim Şərafət Məmmədovanın sədrliyi ilə baxılacaq.
Bakı Şəhər İcra Hakimiyyətinin tenderlərində qalib elan edilən "Tikinti Təchizat Bərpa" QSC 2021-ci ili 591 min manat xalis mənfəət ilə başa vurub. QSC 2020-ci ili 401 min manat xalis mənfəət ilə bağlamışdı.
Elə həmin ilər ərzində Bakı Şəhər İcra Hakimiyyətinin, Elm və Təhsil Nazirliyinin və digər dövlət qurumların artıcıl tenderlərində qalib edilib. Şirkət 2022-ci ilin ortalarından sonra tenderlərdə iştirakla bağlı məlumata rast gəlinmir.
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
Oxşar xəbərlər
Son xəbərlər
Ən çox oxunanlar
- Bu gün
- Bu həftə
- Bu ay
