Şamaxının abadlaşdırılması bu şirkətə tapşırıldı
Şamaxı Rayon İcra Hakimiyyəti Başının Şamaxı Şəhər Nümayəndəliyi abadlıq işlərinin satın alınması ilə bağlı tenderə yekun vurub.
Valyuta.az xəbər verir ki, tenderin qalibi “VK Group N1” MMC seçilib. Tərəflər arasında bağlanacaq satınalma müqaviləsinin maliyyə dəyəri 835 000,18 AZN-dir.
İqtisadiyyat Nazirliyi yanında Dövlət Vetrgi Xidmətinin reyestr məlumatlarına görə “VK Group N1” MMC 18 aprel 2019-cu ildə qeydiyyata alınıb. Nizamnamə kapitalı 20 AZN olan şirkətin hüquqi ünvanı Bakı şəhəri Binəqədi rayonu, Rəsulzadə qəsəbəsi, Osman Mustafayev küçəsi, ev 37-də yerləşir. MMC-nin qanuni təmsilçisi Xəlilzadə Tural Mehman oğludur.
Açıq mənbələrdə şirkət və qanuni təmsilçisi haqqında heç bir məlumata rast gəlinmir. “VK Group N1” MMC tanınan şirkət olmasa da, dövlət satınalmalarında fəal iştirak edir. Şirkət təkcə 2023-cü ildə bu tender xaric 4 satınalma müqaviləsinin qalibi olub. Bağlanan müqavilələrin ümumi maliyyə dəyəri 4 629 047, 69 AZN-dir.
“VK Group N1” MMC bu ilin avqust ayında Şamaxı Rayon İcra Hakimiyyətinin abadlıq işlərinin satın alınması ilə bağlı elan etdiyi 205.000,01 manatlıq tenderinin qalibi olub.
Hüseyn
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay