DİM 3 şirkəti tenderdən kənarlaşdırdı
Dövlət İmtahan Mərkəzinin (DİM) tenderi ləğv edilib.
Valyuta.az xəbər verir ki, tender zəif axın və elektrik cərəyanı avadanlıqlarının satın alınması ilə bağlı keçirilib.
Müsabiqədə 3 ıirkət iştirak edib: "Gravity LTD” MMC, “Bakinity” MMC və “Real Safety” MMC.
“Gravity LTD” MMC ilə “Bakinity” MMC “Dövlət satınalmaları haqqında” Qanunun 27.4-cü maddəsinə görə müsabiqədən kənarlaşdırılıb. Həmin maddədə qeyd edilir ki, hər hansı təklifin qiyməti müvafiq malların (işlərin və xidmətlərin) ehtimal olunan qiymətindən yüksək olarsa, satınalan təşkilat həmin təklifi satınalma prosedurlarından kənarlaşdırır. Satınalan təşkilat satınalma müqaviləsini yerinə yetirmək üçün hər hansı malgöndərənin (podratçının) təqdim etdiyi təklifin qiymətinin ehtimal olunan qiymət ilə müqayisədə 20 faiz və daha artıq aşağı olmasını müəyyən etdiyi hallarda, aşağıda göstərilən şərtlərə əməl etdikdən sonra belə təklifləri rədd edə bilər.
“Real Safety” MMC isə Qanunun 33.1-ci maddəsinə görə müsabiqədən kənarlaşdırılıb. Bu maddədə isə deyilir ki, satınalan təşkilat tender təklifinin təminatını tender təklifinin ümumi qiymətinin 1 faizi məbləğində müəyyənləşdirir. Təminatın qüvvədə olma müddəti tender təklifinin qüvvədə olma müddətindən 30 bank günü çox olmalıdır.
Görünür, şirkət bu tələbə əməl etməyib.
Hüseyn
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay