“Bakı Metropoliteni” QSC yük, minik avtomobilləri, xüsusi texnikalar və təsərrüfat qatarları üçün ehtiyat hissələrinin satın alınmasına 2,4 milyon manata yaxın vəsait yönəldəcək.

Valyuta.az xəbər verir ki, Bakı Metropoliteni “Araz Motors” MMC ilə 2 milyon 398 min 709 manat məbləğində müqavilə bağlayıb.

Bakı Metropoliteni 1967-ci ildən fəaliyyət göstərir. Hazırda metropoliten 3 xətt (yaşıl, qırmızı və bənövşəyi) və 26 stansiyadan ibarətdir. Sərnişin daşımalarının illik həcmi 200 milyon nəfəri ötür.