ADU-nun məzunu Harvard Ali Təhsil Məktəbinə qəbul olunub.

Valyuta.az Azərbaycan Universitetləri səhifəsində istinadən xəbər verir ki, Azərbaycan Dillər Universitetinin fəxri məzunu Aysun Məmmədli ABŞ-nin Harvard Ali Təhsil Məktəbinin Təhsildə liderlik, idarəetmə və sahibkarlıq ixtisası üzrə magistr proqramına qəbul olunub.

O, 2019-cu ildə 614 bal toplayaraq ADU-nun İngilis dili müəllimliyi ixtisasına qəbul olub. Yüksək balla müəllimlik ixtisasını seçdiyinə görə “Gələcəyin müəllimi” təqaüdünə layiq görülüb.

Aysun Məmmədli II kursdan etibarən part-time menecer, ingilis dili müəllimi və Təhsildə Keyfiyyətin Təminatı Agentliyində təcrübəçi kimi çalışıb. Bu günədək o, 6 beynəlxalq layihədən qəbul alıb.

Aysun Məmmədli bir sıra beynəlxalq sertifikatlara (TOT, TESOL (ASU), Leaders of Learning (HGSE)) malikdir. “DAUF Planner” illkin planlayıcısının yaradıcısı, 1 elmi məqalənin və 1 tədqiqat işinin müəllifidir.