DİM-də rəqəmsal SAT imtahanı keçiriləcək
Rəqəmsal SAT imtahanı martın 9-da Dövlət İmtahan Mərkəzinin (DİM) Nəsimi rayonu, akademik Həsən Əliyev küçəsi, 299 ünvanında yerləşən inzibati binasında təşkil olunacaq.
Bu barədə Valyuta.az-a DİM-dən məlumat verilib. Bildirilib ki, imtahan verəcək şəxslər saat 07:15-dən gec olmayaraq aşağıda qeyd edilən sənəd və vasitələrlə birlikdə imtahan binasında olmalıdırlar:
1. Şəkilli şəxsiyyət vəsiqəsi və ya ümumvətəndaş pasportu;
2. Buraxılış vərəqəsi – “Admission Ticket”;
3. “College Board”un tələblərinə cavab verən notbuk və ya planşet (adapter ilə birgə).
Qeyd edilən sənədlərdən biri olmadıqda və ya sənədlər arasında uyğunsuzluq olduqda iştirakçı imtahan mərkəzinə buraxılmayacaq.
İştirakçılar imtahana, həmçinin kalkulyator, qeydləri aparmaq üçün qələm və ya karandaş gətirə bilərlər. Qaralama üçün vərəq test mərkəzində verilir.
İmtahan iştirakçısının notbuk və ya planşetini imtahana gətirmək imkanı yoxdursa və o, “College Board”dan notbuk/planşet sorğu edilməsi prosesindən keçməyibsə, həmin iştirakçı DİM-ə buraxılmayacaq.
Martın 9-da keçiriləcək SAT imtahanının iştirakçıları imtahandan beş gün əvvəl “Bluebook”da yaradılmış şəxsi hesablarına daxil olmalı və imtahanın qurulmasını (test set up) başa çatdırmalıdırlar. Bu prosesin sonunda imtahan iştirakçılarına “Buraxılış vərəqəsi” onlayn qaydada təqdim ediləcək.
İmtahana dair faydalı keçidlər DİM-in saytında yerləşdirilib.
2024-cü ilin birinci yarısında DİM tərəfindən, həmçinin mayın 4-də və iyunun 1-də SAT imtahanlarının keçirilməsi nəzərdə tutulur. Əlavə sual yarandığı halda [email protected] müraciət etmək mümkündür.
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay