Bu ilin yanvar-noyabr aylarında Azərbaycana xarici ölkələrdən 22 min 654 ədəd daxili yanma mühərriklə yanaşı elektrik mühərriklə də hərəkətə gətirilən (hibrid) nəqliyyat vasitələri gətirilib.

Valyuta.az rəsmi məlumatlara istinadən xəbər verir ki, bu miqdarda nəqliyyat vasitələrinin idxalına çəkilən xərcin həcmi 600 milyon 760 min 450 ABŞ dolları olub. İdxal olunan bir ədəd hibrid nəqliyyat vasitəsinin orta qiyməti 26 min 519 dollar (45 min 82 manat) təşkil edib.

İdxal olunan hibrid nəqliyyat vasitələri cari ilin yanvar-oktyabr ayları ilə müqayisədə 3 min 668 ədəd və ya 19,3% çoxdur. Yanvar-oktyabr aylarında idxal olunan hibrid nəqliyyat vasitələrinin sayı 18 min 986 ədəd olub. Yəni, son bir ayda ölkəyə 3 min 668 ədəd hibrid nəqliyyat vasitələri gətirilib ki, bu da orta hesabla günə 122,2 ədəd deməkdir.

Əvəz Həsənov