“Aston Villa”, ötən ilin mayına qədər olan son hesabatını açıqalyıb. 

Valyuta.az xəbər verir ki, klub həmin dönəmlərdə 119,6 milyon funt-sterlinq zərər etdiyini bildirib. Hesablar “Aston-Villa”nın Avrokuboklara vəsiqə qazanması üçün Premyer Liqada yeddinci yeri tutduğu bir dövrü əhatə edir.

“Aston Villa” 2021-22-ci illərdəki hesabatlarında 300.000 funt-sterlinq qazanc əldə etdiyini açıqlamışdı. Bunda İngiltərə millisinin yarımmüdafiəçisi Cek Qrealişin 100 milyon funt-sterlinqə “Mançester Siti”yə satılmasının da köməyi olmuşdu. Midlands təmsilçisi 2022-23-cü illərdə 217,7 milyon funt-sterlinq gəlir əldə edib.

Onlar yeni oyunçulara 63,7 milyon funt-sterlinq xərcləyiblər. Bununla yanaşı iki il əvvəl "Sevilya"dan Dieqo Karlosu 26, “Barselona”dan isə Filip Koutinyonu 17 milyon funt-sterlinqə transfer ediblər. Eyni zamanda oyunçu satışlarından 22 milyon funt-sterlinq qazanıblar. Maaş ödənişləri 137-dən 194,2 milyon funt-sterlinqə yüksəlib. Həmçinin oyunçu müqavilələrinin dəyəri 10 milyon funt-sterlinq artaraq, 92,5 milyona yüksəlib. Klub həmçinin baş məşqçi Stiven Cerrardı istefaya göndərib onun əvəzinə Unai Emerini dəvət edib. 

Keçən yay “Aston Villa” 51 milyon funt-sterlinq qarşılığında “Bayer”dən fransalı cinah oyunçusu Moussa Diabi və “Vilyarreal”dan ispaniyalı mərkəz müdafiəçisi Pau Torresi 31.5 milyon funt-sterlinqə transfer edib. Bu rəqəmlər isə gələn ilin hesablarına daxil ediləcək. Hazırda “Aston Villa” Premyer Liqada dördüncü yerdədi və növbəti mövsüm Çempionlar Liqasına vəsiqə qazanmağa hazırlaşırlar. 

Elmir