Baş ofisi Brüsseldə yerləşən Dünya Polad Assosiasiyası (Worldsteel) iyul ayı üçün xam polad istehsalı məlumatlarını açıqlayıb.

Valyuta.az xəbər verir ki, Çində istehsalın 11 faiz artmasının təsirindən iyulda qlobal xam polad istehsalı 158,5 milyon tona çatıb ki, bu da keçən ilin eyni dövrü ilə müqayisədə 6,6 faiz artım deməkdir. 

Sözügedən dövrdə Çinin istehsalı 11,5 faiz artaraq 90,8 milyon tona, Yaponiyanın istehsalı isə 0,9 faiz artaraq 7,4 milyon tona çatıb.

Eyni dövrdə Almaniyanın istehsalı 0,5 faiz azalaraq 3 milyon tona, ABŞ-ın istehsalı isə 0,5 faiz artaraq 6,9 milyon tona düşüb.

Assosiasiyanın məlumatlarına görə, Türkiyənin xam polad istehsalı iyul ayında əvvəlki ilin eyni dövrünə görə, 6,4 faiz artaraq 2,9 milyon tona çatıb.

Braziliyanın istehsalı 4,7 faiz azalaraq 2,7 milyon tona düşərkən Rusiyada istehsalın 5,8 faiz artaraq 6,3 milyon tona çatdığı təxmin edilirdi.

Bu ilin yanvar-iyul dövründə qlobal xam polad istehsalı əvvəlki ilin eyni dövrü ilə müqayisədə 0,1 faiz azalaraq 1 milyard 103,2 milyon tona geriləyib.