“Bu rəqəmlər həqiqəti əks etdirir”. 

Bu sözləri Valyuta.az-a İqtisadi və Sosial Araşdırmalara Yardım İctimai Birliyinin sədri Eyyub Kərimli Dövlət Statistika Komitəsinin bu ilin ilk 6 ayı üçün əməkhaqqları ilə bağlı açıqladığı rəqəmləri şərh edərkən deyib.

Eyyub Kərimli bildirib ki, hələ ilin əvvəlində əməkhaqqlarında minimum 15 faiz artım baş verib və 300 manatdan 350 manata qədər artıb:

"Bu öz növbəsində tabel dərəcəsi ilə əməkhaqqı alan insanların da məvacibinə təsir göstərib. Buna görə də hesab edirəm ki, bu hal ümumilikdə orta əməkhaqqının artımına öz təsirini göstərib”. 

İqtisadçı bildirib ki, ümumiyyətlə ölkədə infilyasiya ilə bağlı olaraq həm özəl, həm dövlət sektorunda əməkhaqqı 15-20 faiz artırılıb:

“Bu da ötən illə müqayisədə 11 faizlik artımın real rəqəmlər olduğunu deməyə bizə əsas verir”.  

Dövlət Statistika Komitəsinin yaydığı məlumatlara görə, Azərbaycanda orta aylıq əməkhaqqı 11.1 faiz artıb. Bu ilin yanvar-may aylarında Azərbaycan iqtisadiyyatında muzdla çalışan işçilərin orta aylıq nominal əməkhaqqı ötən ilin eyni dövrünə nisbətən 11.1% artaraq 917 manat təşkil edib.

Davud