Dövlət Sosial Müdafiə Fondunun (DSMF) tenderi ləğv edilib. 

Valyuta.az xəbər verir ki, tender DSMF-nin struktur bölmələri üçün furqon tipli xidməti avtonəqliyyat vasitələrin satın alınması ilə bağlı keçirilirdi. 

Tender “Dövlət satılnalmaları haqqında” Qanunun 11.2-ci maddəsinin 2-ci halına və 27.4-cü maddənin tələblərinə əsasən ləğv edilib. 

Qanunun 11.2-ci maddəsində deyilir:

-Satınalan təşkilat dövlət mənafelərinin qorunması məqsədi ilə aşağıdakı hallarda bütün tender təkliflərinin, oferta və kotirovkaların aksept olunana qədər rədd edilməsi barədə qərar qəbul edə bilər:
tender prosedurlarının keçirilməsi zamanı iddiaçılar arasında qiymətin qaldırılmasına yönələn sövdələşmə müəyyən etdikdə;
tender təklifləri tenderin əsas şərtlər toplusuna uyğun olmadıqda;
tender predmetinin maliyyələşdirilməsi dayandırıldıqda.

Bu qərar müvafiq icra hakimiyyəti orqanı tərəfindən təsdiq olunmalıdır. Satınalan təşkilat tender təklifi, oferta və ya kotirovka təqdim etmiş malgöndərənin (podratçının) sorğusu ilə ona bütün tender təkliflərini, ofertaları və ya kotirovkaları rədd etməsi barədə məlumat verir.
Bu maddədən aydın olur ki, tender təklifləri müsabiqənin əsas şərtlər toplusuna uyğun olmayıb (2-ci hal).

Qanunun 27.4-cü maddəsində isə qeyd edilir:

-Hər hansı təklifin qiyməti müvafiq malların (işlərin və xidmətlərin) ehtimal olunan qiymətindən yüksək olarsa, satınalan təşkilat həmin təklifi satınalma prosedurlarından kənarlaşdırır. Satınalan təşkilat satınalma müqaviləsini yerinə yetirmək üçün hər hansı malgöndərənin (podratçının) təqdim etdiyi təklifin qiymətinin ehtimal olunan qiymət ilə müqayisədə 20 faiz və daha artıq aşağı olmasını müəyyən etdiyi hallarda, aşağıda göstərilən şərtlərə əməl etdikdən sonra belə təklifləri rədd edə bilər.

Hüseyn