“Əlilliyin yeni meyarlarına dair sənədlər artıq Milli Məclisə təqdim edilib”.

Valyuta.az məlumat verir ki, bunu Dövlət Tibbi Sosial Ekspertiza və Reabilitasiya Agentliyinin direktoru Cavid Əbdül-Qədirov bildirib. 

O qeyd edib ki, yeni meyarlarla əlilliyə görə qruplar ləğv ediləcək:

“Bundan sonra insan orqanizminin itirilməsi faizlərlə ifadə olunacaq. İndiki I qrup 81-100, II qrup 61-80 faiz, III qrup 31-60 faiz olacaq. Eyni zamanda, 10-30 faiz sadəcə istehsalat zədəsi, peşə xəstəliyi olduğu halda əlillik qiymətləndirilməsi aparılacaq. Burada bir çox aparıcı ölkələrin təcrübəsi öyrənilir”.

Agentlik sədri eyni zamanda qeyd edib ki, bu il əlillik təyinatı ilə bağlı 80 min müraciət olub, onlardan artıq 25 mininə təyinat olub.

Cavid Əbdül-Qədirov deyib ki, indiyə qədər I, II və III qrup üzrə əlillik təyinatları aparılırdı.