Bu ilin yanvar-avqust aylarında Azərbaycanda həyat sığortası üzrə 442 milyon 430 min manat sığorta haqqı toplanıb.

Valyuta.az xəbər verir ki, bu, 2023-cü ilin eyni dövrü ilə müqayisədə 31,1 % və ya 65 milyon 69 min min manat çoxdur. 2023-cü ilin hesabat dövründə həyat sığortası üzrə 377 milyon 361 min manat sığorta haqqı toplanıb.

Bu ilin hesabat dövründə həyat sığortası üzrə 330 milyon 806 min manat ödənişlər edilib ki, bu da 2023-cü ilin yanvar-avqust ayları ilə müqayisədə 70 % və ya 136 milyon 315 min manat çoxdur. 2023-cü ilin yanvar-avqust tarixlərində həyat sığortası üzrə ödənişlərin həcmi 194 milyon 491 min manat olub. 

Bu ilin hesabat dövründə qeyri-həyat sığortası üzrə Azərbaycanda 250 milyon 228 min manat sığorta haqqı toplanıb ki, bu da 2023-cü ilin eyni dövrü ilə müqayisədə 3,5 % və ya 8 milyon 669 min manat çoxdur. 2023-cü ilin yanvar-avqust aylarında Azərbaycanda qeyri-həyat sığortası üzrə 241 milyon 559 min manat sığorta haqqı toplanıb. 

Bu ilin hesabat dövründə qeyri-həyat sığortası üzrə ödənişlərin həcmi 83 milyon 615 min manat olub ki, bu da 2023-cü ilin eyni dövrü ilə müqayisədə 4,9 % və ya 3 milyon 968 min manat çoxdur. 2023-cü ilin hesabat dövründə qeyri-həyat sığortası üzrə ödənişlərin həcmi 79 milyon 647 min manat olub.  

Qeyd edək ki, bu ilin yanvar-avqust aylarında Azərbaycandakı 17 sığorta şirkətinin xətti ilə 927,732 milyon manat sığorta haqqı toplanılıb. Bu, ötən ilin eyni dövrünə nisbətən 9,55 % çoxdur.

Hesabat dövründə sığorta şirkətlərinin həyata keçirdikləri ödənişlərin məbləği isə 499,854 milyon manat təşkil edib. Bu isə illik müqayisədə 44,6 % çoxdur.

8 ay ərzində sığorta bazarında toplanmış hər 100 manat sığorta haqqının 53,9 manatı ödəniş edilib. Ötən ilin eyni dövründə bu göstərici 40,8 manat olub.

Nara