Bu ilin yanvar-avqust aylarında Azərbaycanda 692 milyon 658 min manat könüllü sığorta növü üzrə sığorta haqqı toplanıb.

Valyuta.az xəbər verir ki, bu, 2023-cü ilin eyni dövrü ilə müqayisədə 11,9 % və ya 73 milyon 665 min manat çoxdur. 2023-cü ilin yanvar-avqust aylarında Azərbaycanda könüllü sığorta növü üzrə 618 milyon 920 min manat sığorta haqqı toplanıb.

Bu ilin hesabat dövründə könüllü sığorta növü üzrə 414 milyon 422 min manat sığorta ödənişləri edilib ki, bu da 2023-cü ilin eyni dövrü ilə müqayisədə 51,2 % və ya 140 milyon 284 min manat çoxdur. 2023-cü ilin yanvar-avqust aylarında könüllü sığorta növü üzrə ödənişlərin həcmi 274 milyon 138 min manat olub.

Qeyd edək ki, bu ilin yanvar-avqust aylarında Azərbaycandakı 17 sığorta şirkətinin xətti ilə 927,732 milyon manat sığorta haqqı toplanılıb. Bu, ötən ilin eyni dövrünə nisbətən 9,55 % çoxdur.

Hesabat dövründə sığorta şirkətlərinin həyata keçirdikləri ödənişlərin məbləği isə 499,854 milyon manat təşkil edib. Bu isə illik müqayisədə 44,6 % çoxdur.

8 ay ərzində sığorta bazarında toplanmış hər 100 manat sığorta haqqının 53,9 manatı ödəniş edilib. Ötən ilin eyni dövründə bu göstərici 40,8 manat olub.

Nara