Azərbaycanda bu ilin birinci yarısında könüllü sığorta növü üzrə 541 milyon 063 min manat sığorta haqqı toplanıb.

Valyuta.az Mərkəzi Banka istinadən xəbər verir ki, bu, 2023-cü ilin müvafiq dövrü ilə müqayisədə 14,9 % çoxdur.

2024-cü ilin yanvar-iyun aylarında könüllü sığorta növü üzrə 295 milyon 009 min manat ödəniş edilib ki, bu da 2023-cü ilin müvafiq dövrü ilə müqayisədə 68,7 % çoxdur.

Bu ilin yanvar-iyun aylarında Azərbaycandakı 17 sığorta şirkətinin xətti ilə 725,162 milyon manat sığorta haqqı toplanılıb. Bu, ötən ilin eyni dövrünə nisbətən 11,7 % çoxdur.

Hesabat dövründə sığorta şirkətlərinin həyata keçirdikləri ödənişlərin məbləği isə 356,633 milyon manat təşkil edib. Bu isə illik müqayisədə 58,5 % çoxdur.
6 ay ərzində sığorta bazarında toplanmış hər 100 manat sığorta haqqının 49,2 manatı ödəniş edilib. Ötən ilin eyni dövründə bu göstərici 34,7 manat olub.

Nara