“İpək Yolu Sığorta” ASC 2023-cü ili 669 min manat xalis mənfəətlə başa vurub.

Valyuta.az bu barədə bankın hesabatına istinadən xəbər verir ki, bu, 2022-ci illə müqayisədə 7,8%, yaxud da 57 min manat azdır.

Sığorta şirkətinin gəlirləri 19,845 milyon manat olub, bu, 2022-ci illə müqayisədə 744 min manat yaxud da 3,6% azdır, o cümlədən şirkətin xərcləri isə 19,009 milyon manat təşkil edib. Bu, illik müqayisədə 673 min manat, yaxud da 3,4% azdır. 

Bu il yanvarın 1-nə “İpək Yolu Sığorta”nın aktivləri 31,791 milyon manat olub ki, bu da illik müqayisədə 1,4% azdır. Hesabat dövründə şirkətin öhdəlikləri 2,2% azalaraq 16,319 milyon manata düşüb, balans kapitalı isə 0,5% azalaraq 15,472 milyon manata enib.

Xatırladaq ki, "İpək Yolu Sığorta" 2011-ci ildə "AZAL Sığorta" ASC-nin bazasında yaradılıb, "Silkway Holding" MMC-yə daxildir. Onun nizamnamə kapitalı 14,77 milyon manatdır.

Nara