“Qala Həyat” sığorta şirkəti 2024-cü ilə pis başlayıb. 

Valyuta.az xəbər verir ki, həyat sığorta şirkəti bu ilin yanvar ayında cəmi 972 min manat sığorta yığımı toplaya bilib. Bu isə ötən ilin eyni dövrünə nisbətən 17,5% və ya 206 min manat azdır. 2023-cü ilin ilk ayında “Qala Həyat”ın yığımları 1 milyon 117 min manat təşkil edib.

Həyat sığorta şirkəti bu dövrdə 212 min manat sığorta ödənişi edib ki, bu da illik müqayisədə 7 dəfə çoxdur. Belə ki, 2023-cü ilin eyni dövründə şirkətin ödənişləri 30 min manat təşkil edib.

Yığımların azalması və ödənişlərin kəskin artımı sığorta şirkətinin zərərliliyinə (ödəniş-yığım nisbəti) mənfi təsir edib. Belə ki, “Qala Həyat” 2023-cü ilin yanvar ayında topladığı hər 100 manata görə 2,5 manat ödəniş edibsə, bu ilin eyni dövründə bu rəqəm 21,8 manata yüksəlib.

Xatırladaq ki, “Qala Həyat Sığorta” 2008-ci ildə yaradılıb. Onun nizamnamə kapitalı 13,04 milyon manatdır. Şirkətin səhmlərinin 90%-i “Azre Təkrarsığorta” ASC-yə (“Qala Sığorta” ASC-nin 100 %-lik səhmdarı), 10 %-i isə Kamal İbrahimova (Direktorlar Şurasının sədri) məxsusdur.

Leyli