Azərbaycanda 2023-cü ildə könüllü sığortalar üzrə 888 milyon 104 min manat sığorta haqqları toplanıb.

Valyuta.az bu barədə Mərkəzi Banka istinadən xəbər verir. 

Məlumata görə, bu, 2022-ci illə müqayisədə 21,9% çoxdur.

Həyat sığortası

Belə ki, Azərbaycanda həyat sığortası üzrə 545 milyon 203 min manat sığorta toplanıb, bu 2022-ci illə müqayisədə 28,2% yüksəkdir.

Həyat sığortasına daxil olan həyatın yaşam sığortası 504 milyon 992 min manat, həyatın ölüm halından sığortası üzrə 32 milyon 931 min manat, əmək qabiliyyətinin sığortası üzr 1 milyon 928 min manat, sağalmaz xəstəliklərdən sığorta üzrə 5 milyon 350 min manat sığorta haqqı toplanıb. 

Qeyri-həyat sığortası

Ötən il qeyri-həyat sığortası üzrə 342 milyon 901 min manat sığorta haqqı toplanıb. Bu, 2022-ci il ilə müqayisədə 13,1% çoxdur. 

Qeyri-həyat sığortasına daxil olan şəxsi sığorta üzrə 132 milyon 21 min manat, tibbi sığorta üzrə 121 milyon 10 min manat, xaricə səfər edən vətəndaşların sığortası üzrə 6 milyon 22 min manat, fərdi qəza üzrə 4 milyon 988 min manat sığorta haqqı toplanıb. 

Əmlak sığortası üzrə 

Əmlak sığortası üzrə 210 milyon 879 min manat sığorta haqqı toplanıb. Bu, 2022-ci il ilə müqayisədə 16% çoxdur. 

Hava nəqliyyatı vasitələrinin sığortası üzrə 22 milyon 169 min manat olub, bu, 2022-ci illə müqayisədə 2,9% çoxdur. 

Əmlakın yanğından və digər risklərdən sığortası üzrə 74 milyon 928 min manat sığorta haqqı toplanıb, bu, 2022-ci illə müqayisədə 12,9% çoxdur. 

Avtonəqliyyat vasitələrinin sığortası üzrə 54 milyon 871 min manat olub, bu, 2022-ci illə müqayisədə 30,3% çoxdur. 

Yüklərin (nəqliyyat) sığortası üzrə 5 milyon 987 min manat sığorta haqqı toplanıb, bu, 2022-ci illə müqayisədə 10,2% çoxdur. 

Kənd təsərrüfatı heyvanlarının sığortası üzrə 3 milyon 951 min manat (29,4% azdır), kənd təsərrüfatı bitkiləri məhsullarının sığortası 12 milyon 943 min (40,5%) manat, su nəqliyyat vasitələrinin sığortası 7 milyon 555 min manat sığorta haqları (17%) toplanıb. 

Xatırladaq ki, 2023-cü ildə  1 milyard  222 milyon 537 min manat  sığorta haqqı toplanıb.

Nara