Ötən il ərzində Azərbaycanın xalis maliyyə aktivləri 1 232,5 mln ABŞ dolları artıb ki, bu da xaricə yönəldilmiş birbaşa investisiyalar (825,3 mln. dollar), portfel investisiyaları (22,7 mln. dollar) və digər investisiyalar (384.5 mln. dollar) hesabına formalaşıb.

Azərbaycan Mərkəzi Bankının verdiyi məlumata görə, hesabat dövründə ölkənin xalis maliyyə öhdəlikləri isə 1 168,3 mln. dollar azalıb ki, bu da xaricdən cəlb olunmuş xalis birbaşa investisiyalar (55,5 mln. dollar), neft bonusu (451,6 mln. dollar), portfel investisiyaları (-259,1 mln. dollar) və digər investisiyalar (-1 416,3 mln. dollar) hesabına formalaşıb. //APA