“Facebook” və “Google” şirkətləri Şərqi Asiya ölkələrinə istiqamətlənən iki böyük dənizaltı internet kabeli çəkəcək. Sözügedən layihənin məqsədi İndoneziya və Sinqapur kimi region ölkələrini daha sürətli internetlə təmin etməkdir. 

Valyuta.Az xəbər verir ki, bu məlumatı “Facebook” şirktənin direktor müavini Keyvin Salvadori verib.

Məlumata görə, "Echo” ve “Bifrost” adlı bu kabellərin Yava dənizindən keçərək region ölkələrinə istiqamətlənəcəyini və bu layihə ilə Sakit okeandakı ümumi dənizaltı infrastruktur həcminin 70 % artacağını vurğulayıb. 

Məlumatda qeyd olunur ki, “Echo” kabeli Google ve İndoneziyanın telekom şirke “2XL Axiata” ortqalığı ilə 2023-cü ilə kimi, digəri isə 2024-cü ildə tamamlanacaq. 

Xəbər verdiyimiz kimi, bir müddət öncə Çin hökuməti tərəfindən maliyyələşdirilən nəhəng şirkətlər Cənubi Avropa və Afrika qitəsi ölkələrini yeni nəsil 5G şəbəkəsi ilə təmin edəcək “Sülh Kabeli” layihəsini irəli sürmüşdü. Sözügedən lahiyənin reallaşması ilə 90.000 saatlıq Netflix izlənməsi üçün 1 saniyə müddətində kifayət qədər məlumat ötürə biləcək. 

Baş verənlərin nəzdində deyə bilərik ki, yeni nəsil dövlətlərarası mübarizə artıq digital platforma üzərində gedir və ya dünyanın internet resusrlarına  nəzarət etmək uğrunda ciddi rəqabət formalaşır. Məhz bu konstekdə ABŞ və Çin arasında olan mübarizənin hələ uzun müddət davam edəcəyi danılmazdır.

Kamran Xəlil