Pərakəndə ticarət və xidmət sahələrində istifadə olunan POS-terminalların sayının artması fevralda da davam edib.  

Valyuta.Az xəbər verir ki, bu barədə Mərkəzi Bank statistik hesabatında məlumat açıqlayıb. Məlum olub ki,  2021-ci ilin fevral ayında POS-terminalların ümumi sayı artaraq 57 min 655 ədədə çatıb. 

Yanvarda bu rəqəm 57 min 409 ədəd olub. Bir ayda 246 ədəd artım qeydə alınıb. Ötən ilin sonu ilə müqayisədə isə bu artın 535 ədəd olub. 

2020-ci ilin fevralı ilə müqayisədə isə POS-terminalların sayı 12 min 435 ədəd azdır. Bir il öncə həmin say 70 min 090 ədəd olub. Kəskin azalma ötən ilin aprel və may aylarında 4 bankın lisenziyasının ləğv olunması ilə bağlı olub. İyun ayından başlayaraq POS-terminalların sayı artmağa davam edib. Nəticədə ilin sonuna onların 57 min 120 ədədə çatıb. 

Xatırladaq ki, POS-terminalların ən yüksək istifadə dövrü 2015-ci ilin dekabrı olub. Həmin ayda onların sayı 80 min 301 ədəd olub. Sonrakı illərdə bu göstərici xeyli geriləyib.