“Bayramlar ərəfəsində vətəndaşlarımızı mümkündürsə heç hara çıxmamağa, özlərini qorumağa çağırıram”. 

Valyuta.az xəbər verir ki, bu fikirləri Prezidentin köməkçisi – Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov Nazirlər Kabineti yanında Operativ Qərargahın bu gün keçirdiyi brifinqdə deyib.

Onun sözlərinə görə, əgər yoluxma sayı artsa, Operativ Qərargahın başqa yolu olmayacaq və sərtləşməyə gediləcək.

Azərbaycanın artıq 1 ildən çoxdur ki, pandemiya ilə mübarizə aparırdığını deyən Ş.Mövsümov bildirib ki, hazırda bir çox ölkələrdə pandemiyanın növbəti dalğası müşahidə olunur.

Onun fikrincə, bu səbəbdən bir çox ölkələrdə qapanmalara gedilir:

“Qapanmalar dalğanın sürətini azaldır və ölkələrə imkan yaradır ki, səhiyyə sisteminİn dayanıqlılığını yarada bilsin”

Azərbaycanda da son dövrlər yoluxmaların artığını deyən PA-nın şöbə müdiri bildirib ki, sonuncu dəfə karantin rejiminin yumşalmasından sonra bu gözlənilən idi: 

"Bu gün 879 yeni yoluxma aşkarlanıb. Təbii ki, yoluxmanın sayı artdıqca ölənlərin də sayı artır. Bu da insanları narahat edir”.