“Bayram günlərində ictimai nəqliyyatın hərəkətinə məhdudiyyət qoyulacaq. Martın 20-dən 29-dək ictimai nəqliyyat işləməyəcək”.

Valyuta.az xəbər verir ki, bunu Prezidentin köməkçisi – Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov Nazirlər Kabineti yanında Operativ Qərargahın bu gün keçirdiyi brifinqdə deyib.

Bundan başqa, hər hansı bir sərtləşdirmə tədbirlərinin həyata keçirilməyəcəyini deyən Ş.Mövsümov, ölkədə yoluxmaların sayı artığını və buna görə də müəyyən narahatlıqların olduğunu diqqətə çatdırıb:

“Narahatlıq var, vəziyyət çox ciddidir. Amma eyni zamanda dövlət başçısı İlham Əliyevin və Birinci vitse-prezident Mehriban xanım Əliyevanın tapşırıqları əsasında Azərbaycanda səhiyyə sistemi gücləndirilib. “Hazırda 10 min çarpayı yükü olan xəstəxanaların imkanlarına qarşı 1500-1600 xəstəmiz var. Bunu nəzərə alaraq, xüsusi sərtləşdirilmiş rejimə keçid barədə qərar verilmədi".

Prezident köməkçisi onu da qeyd edib ki, amma yoluxma sayının artacağı və səhiyyənin yüklənməsi baş verərsə, karantin rejimi sərtləşdirilə bilər.