Bankların əməliyyat mənfəəti və ya zərəri üzrə renkinqi bəlli olub. 

Renkinqə görə ən çox əməliyyat mənfəəti “Kapital Bank”da olub. 

Valyuta.Az-ın verdiyi xəbərə görə, bankın əməliyyat mənfəəti 2020-ci ilin sonunda 338 milyon 289 min manat olub. Siyahıda ikinci sırada 203 milyon 211 min manatla “Azərbaycan Beynəlxalq Bankı”, üçüncü sırada isə 127 milyon 34 min manatla isə “Pasha Bank” qərarlaşıb.

Korporativ banklar arasında “Muğan Bank” əməliyyat zərəri əldə edib. Bankın zərəri 2020-ci ilin sonunda 2 milyon 219 min manat təşkil edib.

Retail banklar arasında 20 milyon 227 min manatlıq əməliyyat mənfəətilə “Uni Bank” ilk sırada qərarlaşıb. İkinci sıranı 18 milyon 24 min manatla “Rabitə Bank”, üçüncü sıranı isə 16 milyon 349 min manatla “Bank Respublika” tuta bilib. 

Retail banklar arasında “Bank VTB” (Azərbaycan) 8 milyon 726 min manatlıq zərər açıqlayaraq siyahıda sonuncu yerdə dayanıb.

Qeyd edək ki, renkinqin hazırlanmasında ölkəmizdə fəaliyyət göstərən xarici dövlət bankları (Bank Melli İran və Pakistan Milli Bankı) nəzərə alınmayıb.