Dövlət Neft Fondu 2021-ci ilin ilk 2 ayında qaz və neft yataqlarından əldə etdiyi gəlirlərini açıqlayıb. 

Valyuta.az Fonda istinadən xəbər verir ki, yanvarın 1-dən martın 1-dək Azəri-Çıraq-Günəşli yatağından  574, 543 milyon  dollar gəlir əldə edib. Bu, ötən ilin eyni dövrü ilə müqayisədə təxminən 2 dəfə azdır.  2020-ci ilin ilk 2 ayında Dövlət Neft Fondunun həmin yataqdan gəlirləri 1 milyard 5 milyon dollar olub. 

Şahdəniz qaz və kondensat yatağından isə yanvar-fevral ayında gəlirlər 3,538 milyon dollar təşkil edib. Bu məbləğ kondensatın satışından əldə edilib. Ötən ilin eyni dövründə bu rəqəm 69 milyon dollar olub.