ABŞ ordusunun 250 illiyi və ABŞ Prezidenti Donald Trampın doğum gününün qeyd edilməsi ilə bağlı eyni gündə - iyunun 14-də keçiriləcək hərbi paradın dəyəri 25-45 milyon dollar təşkil edəcək.

Valyuta.az Oxu.az-a istinadən xəbər verir ki, bu barədə "Reuters" nəşri məlumat verib.

Məlumata görə, bu məbləğə tankların küçələrdən keçməsindən sonra yolların təmiri və zibillərin təmizlənməsi xərcləri daxil deyil.

Bildirilib ki, paradda ABŞ ordusunun 6 600 əsgəri, 50 təyyarə, həmçinin 150 ​​quru texnikası iştirak edəcək. Həmin gün - 2025-ci il iyunun 14-də Trampın 79 yaşı tamam olacaq.

Həmçinin planlaşdırılan tədbirdə 20-yə yaxın "M1 Abrams" tankının iştirak edəcəyi də qeyd olunur.