ABŞ-da fəaliyyət göstərən və süni intellektlə görüntü keyfiyyətini artıran "Glass Imaging" startapı A seriyası investisiya raundunda 20 milyon dollar sərmayə alıb. 

Valyuta.azxəbər verir ki, "Glass Imaging" ötən il də 9,3 milyon dollar ilkin sərmayə cəlb edib.

Yeni investisiya ilə şirkətin ümumi sərmayəsi 32 milyon dollara çatıb. Bu vəsait, süni intellekt dəstəkli "GlassAI" texnologiyasının ağıllı telefonlar, dronlar və geyilə bilən cihazlarda tətbiqinə yönəldiləcək.

2019-cu ildə Tom Bişop (Tom Bishop) və Ziv Attar tərəfindən yaradılan şirkətin hazırladığı "GlassAI" proqramı, kamera görüntülərinin keyfiyyətini 10 qat artırmaq imkanına malikdir.

Maya Hüseynova