Qarşıdan gələn iOS 19 yeniləməsində "Apple" süni intellektə əsaslanan yeni enerji idarəetmə alətini təqdim edəcək. 

Valyuta.az xəbər verir ki, bu barədə "Bloomberg" məlumat yayıb.

Yenilik istifadəçilərin cihazlarından toplanan akkumulyator məlumatlarını təhlil edəcək, fərdi proqram və funksiyaların enerji sərfiyyatını azaltmaq üçün optimal anları proqnozlaşdıracaq. Bu yanaşma fərdi istifadə ssenarisindən asılı olaraq "iPhone"un muxtariyyətini artıracaq.

"Google" analoji texnologiyanı "Android"də hələ 2018-ci ildə istifadəyə verib, lakin "Apple"da bu xüsusiyyət birbaşa əməliyyat sisteminə inteqrasiya olunub və təkcə "iPhone 17"də deyil, iOS 19-u olan bütün "iPhone"larda əlçatan olacaq.

Bundan əlavə, iOS 19-da kilid ekranında cihazın tam doldurulmasına nə qədər vaxt qaldığını göstərən göstərici olacaq.

iOS 19-un təqdimatı iyunun 9-dan 13-dək keçiriləcək WWDC 2025 developer konfransında gözlənilir. "iPhone" üçün əməliyyat sisteminin tam buraxılışı sentyabrın ikinci yarısında baş tutacaq.

Paşa Məmmədli