2025-ci ilin yanvar-fevral aylarında Azərbaycan həm smartfon idxalını, həm də ixracını həyata keçirib.

Valyuta.az xəbər verir ki, cari ilin ilk iki ayında ölkəyə ümumilikdə 183,109 ədəd smartfon idxal olunub. Bu cihazların gətirilməsi üçün 54 milyon 285,080 ABŞ dolları vəsait xərclənib.

Hesablamalara əsasən, 1 ədəd smartfonun orta idxal qiyməti 296.29 dollar və ya təxminən 503.69 manat təşkil edib.

Eyni dövrdə Azərbaycandan 489 ədəd smartfon ixrac edilib. Bu ixrac əməliyyatından ölkə 105,310 ABŞ dolları gəlir əldə edib. 

Beləliklə, Azərbaycana ixrac olunan 1 ədəd smartfonun orta dəyəri 215.28 dollar və ya təxminən 366 manat olub.

Sərvanə Rəmixanova