“Sony Interactive Entertainment Network Europe Limited” Azərbaycanda ƏDV məqsədi ilə vergi uçotuna alınıb

Valyuta.az xəbər verir ki, şirkətin vergi uçotuna alınması 2025-ci il aprelin 1-dən qüvvəyə minib.

Vergi Məcəlləsinin 33.8-1-ci və 169.8-ci maddələrinə əsasən, bu tarixdən sonra “Sony” tərəfindən göstərilən xidmətlərə görə fiziki şəxslər ödəniş etdikdə banklar ƏDV hesablamayacaq.

Qeyd edək ki, “Sony Interactive Entertainment Network Europe Limited” video oyunlar və rəqəmsal əyləncə sahəsində fəaliyyət göstərir. Şirkət həmçinin oyunların və rəqəmsal məzmunun lisenziyalaşdırılması və satışı ilə də məşğuldur. “Sony” Birləşmiş Krallıqda qeydiyyatdan keçib və fəaliyyətini beynəlxalq miqyasda həyata keçirir.

Qeyd edək ki, bundan əvvəl “Apple Distribution International Limited” və “Adobe Systems Software Ireland Limited” kimi beynəlxalq şirkətlər də Azərbaycanda ƏDV məqsədilə vergi uçotuna alınıb. Dövlət Vergi Xidməti bu istiqamətdə işi davam etdirir. Bu addımlar rəqəmsal xidmətlərin vergiyə cəlb edilməsini genişləndirmək, vergi inzibatçılığını təkmilləşdirmək və rəqabət mühitini daha ədalətli etmək baxımından mühüm əhəmiyyət daşıyır.