Son 5 il ərzində (2021–2025 yanvar-aprel) ictimai iaşə dövriyyəsi ümumilikdə 3,7 və ya 558,9 milyon manat artıb.

Valyuta.az xəbər verir ki, 2025-ci ilin yanvar-aprel aylarında ictimai iaşə dövriyyəsi 764 023,5 min manat təşkil edib. Bu ötən ilin eyni dövrü ilə müqayisədə 149 milyon 542,4 min manat və ya 24,3% artım deməkdir.

Statistikaya nəzər salsaq, ümumiyyətlə son illərdə ictimai iaşə dövriyyəsində əhəmiyyətli dərəcədə artım olub. 

Ötən il ictimai iaşə dövriyyəsi 614 milyon 481,1 min manat təşkil edib. 2023-cü ildə isə bu göstərici 569 milyon 235,1 min manat olub. Qeyd olunan illər üzrə ictimai iaşə dövriyyəsi 8% və ya 45 milyon 246 min manat dəyərində artıb. 

2022-ci ildə isə ictimai iaşə dövriyyəsi 389 milyon 257 min manat olub. 2021-ci ildə bu rəqəmin 205 milyon 167,9 min manat olduğunu nəzərə alsaq, qeyd olunan illər üzrə illik hesabatda ictimai iaşə dövriyyəsi 184 milyon 089,1 min manat artıb 89,7% artıb. 

Qeyd edək ki, 2020-ci ildə ictimai iaşə dövriyyəsi 304 milyon 198,6 min manat təşkil edib. Lakin 2021-ci ildə bu göstərici 205 milyon 167,9 min manata enərək, 99 milyon manat və ya 32,50% azalıb.

2025-ci ilin yanvar-aprel ayları üzrə ictimai iaşə dövriyyəsinin 5 illik dinamikası (min manatla) cədvəldə qeyd olunub.

Sərvanə Rəmixanova