2025-ci ilin ilk  üç ayında “Yelo Bank”ın depozit portfeli 15 milyon manatdan çox “əriyib”.

Valyuta.az-ın araşdırmasına görə, ilin ilk rübündə bankın depozit portfeli 913,47 mln. manat təşkil edib ki, bu da ilin əvvəli ilə müqayisədə 1,6% və ya 15,3 mln. manat azdır. İlin əvvəlində bu rəqəm  928,77 mln. manata bərabər olub.

Azalmanın əsas drayveri hüquqi şəxslərin depozitləri olub. Belə ki, şirkətlər 3 ayda bankdan  24,34 mln. manat vəsaiti geri çəkib. Nəticədə portfel 197,822 mln. manatdan 173,48 mln. manata enib.

Bununla belə, fiziki şəxslərin depozit portfeli 1,2% artaraq 739,99 mln. manata çatıb. Bu isə ümumi əmanət portfelində azalmanın bir hissəsini kompensasiya edib.

Ümumilikdə isə bankın cəmi aktivləri ilin əvvəlinə nisbətən 1,5% azalaraq 1 mlrd. 260,8 mln. manata, cəmi öhdəlikləri isə 2,7% və ya 30 mln. manat azalaraq 1 mlrd. 105,8 mln. manata enib. Bu dövrdə bankın cəmi kapitalı isə 7,6% artaraq 155,07 mln. manata çatıb.