"Yaradıcı Azərbaycan" layihəsi çərçivəsində normativ-hüquqi, idarəetmə və təşviq üzrə mexanizmlərin formalaşdırılması, tədbirlərin və təhsil-təlim proqramlarının təşkili üçün 3 milyon manatdan çox vəsait ayrılıb. 

Valyuta.Az xəbər verir ki, yuxarıda sadalanan işlərin görülməsi üçün tender elan edilib. 

Məlumata əsasən, tender Mədəniyyət Nazirliyinin tabeliyində təsərrüfathesablı “Əsaslı Tikinti və Təchizat” Məhdud Məsuliyyətli Cəmiyyəti tərəfindən elan edilib. 

13 may 2025-ci il tarixinə qədər davam edəcək tender üçün satınalma predmetinin ehtimal olunan qiyməti 3.264.894,80 AZN-dir.

“Yaradıcı Azərbaycan” layihəsi, Mədəniyyət Nazirliyinin dəstəyi ilə yaradılan bir təşəbbüsdür və ölkənin mədəni və yaradıcı sənayelərinin inkişafına yönəlib. Layihənin əsas məqsədi Azərbaycanın yaradıcı potensialını üzə çıxarmaq və onu qlobal bazara çıxarmaqdır. Bu sahələrə kino, animasiya, oyunlar, moda, musiqi, cultech və digər yaradıcı istiqamətlər daxildir.

Rəhim