Bu ilin yanvar ayında Azərbaycana 14,99 ton saqqız (şəkərli və ya şəkərsiz) idxal olunub.

Valyuta.az statistik mənbələrə əsasən xəbər verir ki, idxal 131 min ABŞ dolları hesabına başa gəlib.

Məlumata görə, idxal prosesində 6 ölkə iştirak edib. Saqqızın idxal olunduğu əsas ölkələr isə Rusiya, Çin, Pakistan, Türkiyə, Almaniya və İtaliya olub. 

Belə ki, Rusiyadan 3690 kq saqqız gətirilib və idxal 57,7 min ABŞ  dolları təşkil edib. Rusiyadan idxal olunan saqqızın 1 kiloqramı 15,64 dollar və ya 26 manat 58 qəpik olaraq hesablanıb. 

Hesabalamalara görə, Çindən 370 kiloqram saqqız idxal olunub və idxal 1,95 min ABŞ dolları təşkil edib. Bu ölkədən gətirilən saqqızın 1 kiloqramı 5,27 dollar və ya 8 manat 96 qəpik olaraq hesablanıb. 

Üçüncü ölkə - Pakistandan 16,52 min ABŞ dolları dəyərində 5570 kiloqram saqqız idxal edilib. Saqqızın 1 kiloqramı 2,96 dollar və ya 5 manat 4 qəpiyə gətirillib.

Türkiyədən isə 1670 kiloqram olaraq 8,83 min ABŞ dolları dəyərində saqqız idxal olunub. Hesablamalara əsasən deyə bilərik ki, bu ölkədən gətirilən saqqızın dəyəri 5,28 dollar və yaxud 9 manat olub.

İdxal prosesində iştirak edən Almaniya Azərbaycana yanvar ayında 1,18 min ABŞ dolları dəyərində 40 kq saqqız satıb. Nəticə olaraq deyə bilərik ki, bu ölkədən gətirilən saqqızın 1 kiloqramı 29,5 dollar və ya 50 manat 15 qəpik olub.

Sonuncu ölkə, İtaliyadan isə 3640 kiloqram saqqız idxal olunub. İdxalın dəyəri 44,95 min dollar olub. Hesablamalara əsasən demək olar ki, bu ölkə bizə saqqızın 1 kiloqramını 12,35 dollar və ya 21 manata satıb. 

Sərvanə Rəmixanova