Cari ilin ilk ayında Azərbaycana 155.27 min dollara 58 865 ədəd günəş eynəyi idxal olunub. 

Valyuta.Az xəbər verir ki, idxal, böyük hissəsi Çindən olmaqla, Türkiyə, Yaponiya, Fransa və İtaliyadan həyata keçirilib. 

Sözügedən məhsul ən ucuz Çindən gətirilib. Belə ki, sözügedən dövrdə 1 ədədi təxminən 3.03 manatdan 56 500 ədəd günəş eynəyi gətirilib. 

Türkiyədən 11.14 manatdan 1322 ədəd, Yaponiyadan 383.81 manatdan 26 ədəd, İtaliyadan isə 57.70 manatdan 1003 ədəd günəş eynəyi gətirilib. 

Sözügedən məhsulun ən baha gətirildiyi ölkə isə Fransa olub. Belə ki, bu ölkədən 1 ayda 14 ədəd eynək idxal olunub ki, bunun da 1 ədədinin gömrük dəyəri təxminən 454.29 dollar və ya 772.29 manat olub. 

Həmin dövrdə Azərbaycandan bu məhsul üzrə sadəcə Braziliyaya ixrac həyata keçirilib. Belə ki, 50 dollar qarşılığında 24 ədəd günəş eynəyi Braziliyaya ixrac olunub. 

Rəhim