Bu ilin yanvar-mart aylarında yeni nəsil nəzarət-kassa aparatları (NKA) vasitəsilə qeydə alınan dövriyyə 6 milyard 114,2 milyon manat təşkil edib.

Valyuta.az xəbər verir ki, bu, ötən ilin eyni dövrü ilə müqayisədə 596,2 milyon manat və ya 10,8 faiz çoxdur.

Statistik göstəricilərə əsasən, idiyədək 105 min 694 ədəd belə aparat quraşdırılıb.

"Yeni nəsil NKA-ların istifadəsi hesablaşmaların şəffaflığını artırmaqla yanaşı, malların qanunsuz dövriyyəsinin qarşısının alınmasına və ümumi nəzarətin gücləndirilməsinə imkan yaradıb", - deyə bildirilib.