2025-ci ilin yanvar ayında Azərbaycana 355 ton  mandarin və ya naringilər (tanjerinlər və satsuma da daxil olmaqla) gətirilib. 

Valyuta.az xəbər verir ki, idxalın ümumi dəyəri 261 min ABŞ dolları təşkil edib. 

Məlumata əsasən, Azərbaycana mandarin və naringini satan ölkələr sırasında İran İslam Respublikası, Pakistan və Türkiyə yer alıb. 

İdxalın həyata keçirilməsində ən böyük payı olan şəhər 119 min ABŞ dolları dəyərində 168 ton məhsul idxalı həyata keçirilən Türkiyə olub. Belə ki, bu ölkədən gətirilən məhsulun 1 kq-ı 0,71 dollar və ya 1 manat 21 qəpiyə gətirilib.

İdxalı həyata keçirən bir digər ölkə - İran İslam Respublikasından 109 min ABŞ dolları dəyərində 145 ton mandarin və ya naringin gətirilib. Bu ölkədən gətirilən məhsulun 1 kq-ı 0,75 dollar və yaxud 1 manat 28 qəpik olub.

İdxalda iştirak edən bir digər ölkə isə Pakistan olub ki, bu ölkədən Azərbaycana 42 ton mandarin və naringin idxal olunub. İdxalın dəyəri 33 min ABŞ dolları təşkil edib. Belə ki, bu ölkə bizə adı çəkilən məhsulun 1 kq-nı 0,80 dollara və ya 1 manat 36 qəpiyə satıb.

Mandarin və naringi (tanjerinlər və satsuma da daxil olmaqla) yalnız idxal olunmayıb, belə ki, Azərbaycan bu məhsulu Rusiyaya ixrac edib. 2025-ci ilin yanvar ayında Rusiyaya 204 ton sözügedən məhsul ixrac olunub, ixracın dəyəri 81 min ABŞ dolları təşkil edib. 

Hesablamalara görə, Rusiyaya ixrac olunan mandarin və naringinin 1 kq-ı 0,4 dollar və ya 68 qəpik məbləğində hesablanıb. 

Sərvanə Rəmixanova