Milli Məclisin avtomobillərinin təmir xidmətinin satınalınması ilə bağlı tenderə yekun vurulub. 

Valyuta.Az xəbər verir ki, tenderin qalibi "My Auto" MMC olub və tərəflər arasında müqavilə imzalanıb. 

MMC Milli Məclisin avtomobillərinə təmir işləri və texniki qulluq göstərməsi müqabilində 965.690,76 AZN alacaq.

Araşdırmalarımız zamanı "My Auto" MMC-nin vergi borcu olduğu üzə çıxıb. Belə ki, 1 aprel 2025-ci il tarixində şirkətin vergi borcu 25 min 623.06 manat təşkil edib.

Xatırladaq ki, “Dövlət satınalmaları haqqında” qanuna görə, vergi borcu olan şirkət tenderdə iştirak edə bilməz.

Qeyd edək ki, sözügedən MMC 19 oktyabr 2026-cı ildə dövlət qeydiyyatına alınıb. 1000 manat nizamnamə kapitalı olan şirkətin qanuni təmsilçisi Hüseynov Şahin Fərhad oğludur.

Rəhim