Ötən il Azərbaycan dünyanın 25 ölkəsinə ümumi dəyəri 14 mlrd. 437 mln. 355.99 min ABŞ dolları (24 mlrd. 543 mln. 505.18 min manat) olan 23 mlrd. 596 mln. 132.23 min ton xam neft ixrac edib.

Valyuta.Az xəbər verir ki, bu 2023-cü illə müqayisədə 2 mlrd. 451 mln. 157.28 min ton və ya təxminən 9.41 % daha azdı.

2023-cü illə müqayisədə Azərbaycanın neft ixracını kəskin azaltdığı ölkələrdən biri İsrail olub. Belə ki, 2024-cü ilin yanvar-dekabr aralığında İsrailə 713 mln. 268.03 min ABŞ dolları (1 mlrd. 212 mln. 555.65 min manat) dəyərində 1 mlrd. 173 mln. 2.75 min ton xam neft ixrac edilib. 

Bu, 2023-cü illə müqayisədə 1 mlrd. 97 mln. 339.9 min ton və ya təxminən 48.34 % daha azdı. 

Dövlət Gömrük Komitəsindən əldə etdiyimiz məlumata əsasən, 2023-cü ildə Azərbaycandan İsrailə 1 mlrd. 394 mln. 267.62 min ABŞ dolları (2 mlrd. 370 mln. 255 min manat) dəyərində 2 mlrd. 270 mln. 342.65 min ton neft ixrac edilib. 

Son illərin statistikalarına əsasən, İsrailin Azərbaycandan neft ixracını kəskin artırdığı illər 2022 və 2023-cü illər olub. 

2021-ci ildə Azərbaycandan 1 mlrd. 710 mln. 739.75 min ton neft ixrac edən İsrailin növbəti 2 il üçün idxalı 2 mlrd. tonu keçib. Belə ki, 2022-ci ildə 2 mlrd. 289 mln. 417.59 min ton, 2023-cü ildə isə 2 mlrd. 270 mln. 342.65 min ton neft idxal edib. 

Bunların qarşılığında isə Azərbaycan tərəfinə 2021-ci ildəki idxal üçün 887 mln. 543.95 min ABŞ dolları (1 mlrd. 508 mln. 824.72 min manat),  2022-ci ildəki idxal üçün 1 mlrd. 672 mln. 358.20 min ABŞ dolları (2 mlrd. 843 mln. 008.94 min manat), 2023-cü ildə isə 1 mlrd. 394 mln. 267.62 min ABŞ dolları (2 mlrd. 370 mln. 255 min manat) ödəyib.  

Rəhim