2024-cü ildə 209 min əcnəbi Rusiya vətəndaşlığını qəbul edib ki, bu da son beş ildə rekord aşağı göstəricidir.

Bu barədə ölkənin Daxili İşlər Nazirliyini statistika yayıb.

Bildirilib ki, 2023-cü ildə 378 min nəfər Rusiya vətəndaşlığını qəbul edib; 2022-ci ildə isə 691 min.
Daxili İşlər Nazirliyi kəskin azalmanı 2022 və 2023-cü illərdə Ukraynanın ilhaq edilmiş vilayətlərinin bir çox sakinlərinin sadələşdirilmiş qaydada Rusiya pasportları alması ilə izah edib. Bununla belə, son müharibədən əvvəlki ildə daha çox əcnəbi Rusiya vətəndaşlığını alıb - 735 min nəfər.

Qeyd edilib ki, Rusiya Federasiyasından deportasiya edilən əcnəbilərin sayı, əksinə, əhəmiyyətli dərəcədə artıb - 145 mindən 190 min nəfərə.

2024-cü ildə həmvətənlərin köçürülməsi proqramı çərçivəsində Rusiya Federasiyasına köçənlərin sayı da son 14 ildə rekord dərəcədə düşüb - 31,7 min nəfər bu fürsətdən yararlanıb (2023-cü ildə 45,1 min, 2022-ci ildə - 64,8 min nəfər). Daxili İşlər Nazirliyi bunu proqramda iştirak üçün tələblərin sərtləşdirilməsi ilə əlaqələndirib: 2024-cü ildən miqrantlar rus dilini kifayət qədər səviyyədə bilmələrini təsdiqləməlidirlər.

©yeniavaz