Ölkə bankları 2025-ci ilin yanvar ayında 377.2 mln manat faiz yığıb. 

Valyuta.Az xəbər verir ki, bu əvvəlki ilin müvafiq dövrü ilə müqayisədə təxminən 17.5 % daha çoxdu. 2024-cü ilin yanvar ayında bu göstərici 321 mln. manat idi.

Qeyri-faiz gəlirləri də 141.7 mln. manatdan 166.6 mln. manata yüksəlib. 

Faiz və qeyri-faiz xərclərində də artım müşahidə olunub. Faiz və onlara bağlı xərclər təxminən 55.3% artaraq 134.2 mln. manata, qeyri-faiz xərcləri isə təxminən 16 % artaraq 261.3 mln. manata çatıb. Qeyd edək ki, ötən ilin müvafiq dövründə bu göstəricilər 86.4 mln. manat və 261.3 mln. manat idi. 

Bankların kredit portfelində də milyardlıq böyümə qeydə alınıb. Belə ki, 2024-cü ilin yanvarın 31-ə olan statistikalara əsasən, 23 mlrd. 566.4 mln. manat olan kredit portfeli 27 mlrd. 514.7 mln. manata yüksəlib. 

Biznes kreditləri təxminən 13.9 % artaraq 12 mlrd. 912.9 mln. manatdan 14 mlrd. 709.9 mln. manata, istehlak kreditləri təxminən 22 % artaraq 7 mlrd. 8 mln. manatdan 8 mlrd. 551.7 mln. manata, ipoteka kreditlər isə təxminən 16.7 % artaraq 3 mlrd. 645.5 mln. manatdan 4 mlrd. 253.1 mln. manata çatıb. 

Sektorun xalis mənfəətində isə 25 mln. manatdan çox azalma müşahidə olunub. Belə ki, bankların xalis mənfəəti ötən ilin müvafiq dövrü ilə müqayisədə  təxminən 28.7 % azalaraq 71 mln. manata düşüb. 2024-cü ilin yanvar ayının sonunda bu rəqəm 99.6 mln. manat idi.

Rəhim