2025-ci ilin yanvar-fevral aylarında Azərbaycanda 141,7 min dkl (1 desilitr (dkl) = 10 litr) viski və brendi (konyak) istehsal edilib. 

Valyuta.Az xəbər verir ki, bu 2024-cü ilin müvafiq dövrü ilə müqayisədə 57.3 % daha çoxdur.

1 mart 2025-ci il tarixinə viski və brendi ehtiyatı 290,8 min dkl təşkil edib.

İçki məhsullarının ümumi istehsalına baxdıqda şirinləşdirilməmiş suların istehsalı 3.9 %, üzüm şərabı istehsalında 30.3 %, pivə istehsalında isə 15.1 % azalma qeydə alınıb. 

Bundan savayı alkoqolsuz içkilərin istehsalı 4.7 %, araq istehsalı isə 19,7 % artıb. 

1 mart 2025-ci il tarixinə şirinləşdirilməmiş sular ehtiyatı 1044,9 min dkl, üzüm şərabı 645,4 min dkl, alkoqolsuz içki ehtiyatı isə 604,6 min dkl təşkil edib.

Bundan əlavə tütün məmulatlarının istehsalında da azalmalar qeydə alınıb. Belə ki, siqaret və siqar istehsalı 24.4 %, tütün istehsalı isə 64.4 % azalıb. 

Rəhim