2024-cü ildə fiziki şəxslər tərəfindən Rusiyadan Azərbaycana göndərilən pul vəsaitlərinin həcmi 496 mln. 753 min dollar (təxminən 844 mln. 480 min manat) təşkil edib.

Valyuta.Az-ın Mərkəzi Bankdan əldə etdiyi məlumata əsasən, bu 2023-cü illə müqayisədə təxminən 52.56 % daha azdır. 

Məlumata əsasən, 2023-cü ildə Rusiyadan fiziki şəxslər tərəfindən Azərbaycana 1 mlrd. 47 mln. 523 min dollar (1 mlrd. 781 mln. 789.10 min manat) pul köçürülüb. Bu isə 937 mln. 309 min manat daha çoxdu.

Öz növbəsində Azərbaycandan Rusiyaya fiziki şəxslər tərəfindən göndərilən pul vəsaitlərində də mln.luq azalma baş verib. 

Belə ki, 2023-cü ildə fiziki şəxslər tərəfindən Rusiyaya 74 mln. 184 min dollar (təxminən 126 mln. 112 min 800 manat) köçürüldüyü halda, 2024-cü ildə bu rəqəm 16 mln. dollardan (27 mln. 200 min manat) çox azalaraq 57 mln. 988 min dollara (98 mln. 579 min 600 manat) düşüb.

İnvestisiya

Xatırladaq ki, 2024-cü ildə Rusiya tərəfindən Azərbaycan iqtisadiyyatına qoyulan birbaşa investisiyaların həcmində təxminən 62.1% azalma baş verib. 

Belə ki, 2023-cü ildə bu göstərici 617 mln. 339 min dollar (1 mlrd. 49 mln. 476 min manat) idisə, 2024-cü ildə bu rəqəm 234 mln. 312 min dollara (398 mln. 330 min manat) düşüb.

Ötən il həmçinin Azərbaycandan Rusiyaya yönləndirilmiş birbaşa xarici investisiyalarda da təxminən 79.8% azalma qeydə alınıb.

Əgər 2023-cü ildə Azərbaycandan Rusiya iqtisadiyyatına 91 mln. 954 min dollar (156 mln. 322 min manat) birbaşa investisiya yatırılıbsa, 2024-cü ildə bu rəqəm 18 mln. 559 min dollara (31 mln. 550 min manat) düşüb.

Bu da 73 mln. 395 min dollar (124 mln. 773 min manat) daha azdır.

Ticarət əlaqələri

Bundan əlavə, 2024-cü ildə Azərbaycan və Rusiya arasında ticarət dövriyyəsi 4 milyard 799 milyon 819.67 min dollar (8 milyard 159 milyon 693.44 min manat) təşkil edib.

Bununla da Rusiya, ticarət dövriyyəmizdəki ölkələrin siyahısında III yerdə qərarlaşıb.

Ən çox məhsul idxal etdiyimiz ölkələrin siyahısında Rusiya II, ən çox ixrac həyata keçirdiyimiz ölkələrin siyahısında isə III yeri tutub.

Belə ki, ötən il Azərbaycan Rusiyaya 1 milyard 178 milyon 347.44 min dollar (2 milyard 3 milyon 191.65 min manat) həcmində ixrac həyata keçirib. Rusiyadan idxal olunan məhsulların ümumi məbləği isə 3 milyard 621 milyon 472.23 min dollar (6 milyard 156 milyon 502.79 min manat) olub.

Rəhim