Ötən il qeyri-neft-qaz sektorunda 11.5 mlrd. dollar kəsir qeydə alınıb

2024-cü ildə qeyri-neft-qaz sektoru üzrə Azərbaycanın xarici ticarət balansı 2023-cü illə müqayisədə 11.4 % artaraq 11 mlrd. 457.3 mln. ABŞ dolları (bundan sonra dollar) təşkil edib.

Valyuta.Az bu barədə Mərkəzi Bankdan məlumat əldə edib. 

Bunun da 3 mlrd. 241 mln. dolları ixracın, 14 mlrd. 698.3 mln. dolları isə idxalın payına düşüb. 

Qeyri-neft-qaz sektoru üzrə ixracda 0.8 % azalma, idxalda isə 8.5 % artım qeydə alınıb. 

Neft-qaz sektoru üzrə isə 22 mlrd. 751 mln. dollar həcmində ixrac, 2 mlrd. 468.8 mln. dollar həcmində idxal həyata keçirilib.  

Neft-qaz sektoru üzrə 20.3 mlrd. dollar həcmində profisit qeyri-neft-qaz sektoru üzrə 11.5 mlrd. dollar həcmində kəsiri tam bağlayıb. Nəticədə hesabat dövründə xarici ticarət balansında 8.8 mlrd. dollar həcmində profisit yaranıb.

Qeyd edək ki, 2024-cü ildə Azərbaycanın dünyanın 180 ölkəsi ilə ticarət əlaqələri olub ki, bunun da 14.4%-i MDB üzvü olan ölkələrin, 85.6%-i isə digər xarici ölkələrin payına düşür.

Rəhim