Ötən il Azərbaycanın BƏƏ iqtisadiyyatına birbaşa xarici investisiyaları 457,531 mln. ABŞ dolları təşkil edib.

Valyuta.Az-ın Azərbaycan Mərkəzi Bankına istinadən verdiyi məlumata görə, investisiyaların həcmi illik müqayisədə 4,82 dəfə və ya 362,712 mln. ABŞ dolları artıb.

BƏƏ-yə Azərbaycan investisiyalarının ümumi birbaşa xarici investisiyalardakı payı 26 % təşkil edir.

Öz növbəsində, BƏƏ Azərbaycan iqtisadiyyatına birbaşa 490,156 mln. ABŞ dolları (+53,67 %) sərmayə qoyub. Əmirlik investisiyalarının Azərbaycanda birbaşa xarici investisiyalarının ümumi həcmindəki payı 7 % təşkil edib.

Xatırladaq ki, 2024-cü ildə Azərbaycan iqtisadiyyatına birbaşa xarici investisiyalar 7,046 mlrd. ABŞ dolları (illik artım 5,83 %) təşkil edib. Ötən il Azərbaycandan digər ölkələrin iqtisadiyyatına birbaşa olaraq 1 mlrd. 762 mln. ABŞ dolları (-43,5 %) sərmayə qoyulub.

2023-cü ildə BƏƏ-dən Azərbaycana birbaşa xarici investisiyaların həcmi 1,857 mlrd. ABŞ dolları, ölkəyə birbaşa yatırımların ümumi həcmi isə 6,658 mlrd. ABŞ dolları təşkil edib. Bu dövr ərzində Azərbaycandan BƏƏ-yə 94,819 mln. ABŞ dolları sərmayə qoyulub, Azərbaycanın xarici ölkələrə ümumi birbaşa yatırımları 3,117 mlrd. ABŞ dollar təşkil edib.

© Report